RSS訂閱 呢期見大行密密咁TRADE小米(01810)，恰好博客碌返今年3月有一單新聞：Samsung「三叔」CEO與小米雷軍同框照片被曝光，博客要真係要講下小米同三叔呢單前世今生。
話說仲係十多年前，手機屏幕都仲係三叔主宰嘅年代，其中一個小米中高層竟然得罪三叔，所以三叔一怒之下就決定對小米停止供貨，據聞當年雷軍就要走去人哋總部，同人食飯飲酒賠罪，直接隊咗六支紅酒咁話，最後雷軍又道歉又賠罪咁，人地先供返貨俾佢；估唔到河東同河西唔使三十年，今日三叔係幾乎「跪」埋咁求小米唔好唔買佢啲OLED。
點解咁講？其中OLED市場一路都被神州競爭對手蠶食，三叔嘅OLED出貨全球佔比已經慢慢下降，中韓之間互相打價格戰，但神州有人口紅利可以內銷，韓國只能夠靠出口，小米就係其中一個大型OLED消費商家。其實唔止OLED，電動車、電池都曾經係韓國人嘅開山之作，不過最後都係捲不過中國低價格低成本，話口未完小米又做埋電動車添。
所以大行密密炒高小米，唔單單係「炒」，而係當佢係第二隻「騰訊」，而家小米業務生態包括大部分家電、電話、平板，加埋電動車，其實條產業鏈好大好闊。剛好，中韓呢一兩年原本係貿易逆差變順差，即係中國喺韓國賺多過使，而韓國係中國使多過賺，代表中國貨已經殺入埋韓國市場，而且賣得好好。
博客認為，小米點止1.38億市值，點止50幾蚊呢個股價？如果殺入埋美國市場，翻倍都似。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【香港好去處】2025去邊最好玩？etnet為你提供全港最齊盛事活動，所有資訊盡在掌握！► 即睇
