《魚缸博客》中芯國際升到５０蚊咁大件事，竟然無人講？

　　《魚缸博客》博客見個個都係講緊滙控（００００５）點樣升返上紅底，但中芯國際
（００９８１）升上５０蚊咁大件事，竟然無人講？前者係靠回購撐起股價，後者係靠北水不停
入貨炒起，呢件事先係真ＣＲＡＺＹ。
　
　　點解炒到５０蚊咁痴線仔？市場傳聞，中芯係５ｎｍ製程良率已提升至６０％－７０％，用
人話講，即係原本中芯同外國晶片距離可能相差１０年，而家縮到得５年，基本上提供俾手機或
者初階ＡＩ訓練卡都無咩難度，起碼唔使被人「卡頸」先。
　
　　第二件事，就係內地人形機械人好快投入市場，摩根士丹利發布報告預測，人形機械人今年
下半年將在中國「被廣泛採用」，未來中國在人形機械人領域將愈發佔據優勢，與美國等其他國
家的差距將逐步拉開。
　
　　呢件事就係需與晶片算力，中芯食正係市場條路，正所謂：「風口站對了，豬也可以飛起來
」，中芯呢隻「豬仔」由２０蚊飛到５０蚊，博客相信，５０蚊只係第一站。你睇Ｎ卡捉到時代
紅利，短短五年由幾蚊美金升到１７０幾蚊美金，中芯都未有耐到總站。
　
　　不過，客觀地講句，光刻機先係中國重中之重，只要解決呢個問題，中國嘅技術同人才，要
同外國睇齊，都只係時間問題。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。