《魚缸博客》雷軍搞乜掂乜，金山雲呢期開始發力！

　　《魚缸博客》「Ａｒｅ　ｙｏｕ　ｏｋ？　Ｈｅｌｌｏ！　Ｔｈａｎｋ　ｙｏｕ！　
Ｔｈａｎｋ　ｙｏｕ　ｖｅｒｙ　ｍｕｃｈ！」有無覺得睇見啲字個腦就自然響起ＢＧＭ？雷軍
被內地媒體喻為「國內最玩得嘅ＣＥＯ」，事實上，呢位ＣＥＯ都係做乜掂乜，不論小米手機、
汽車，到今日想講嘅金山雲（０３８９６），都係被熱炒對象。
　
　　睇返最近金山雲新聞，最近就係同珠海市人民政府與金山雲簽署戰略合作協議，根據協議，
雙方將圍繞政務ＡＩＧＣ智能大模型、政務ＡＩ辦公、政務雲上應用數智創新能力展開深入合作
。
　
　　不過，最受關注就係公司之前公布嘅業績，第三季度總收入達１８﹒８６億元人民幣，同比
增加１６﹒０％；毛利為３﹒０３４億元人民幣，同比增加５４﹒６％；非公認會計准則
ＥＢＩＴＤＡ為約１﹒８５億元，同比扭虧為盈。
　
　　金山雲比其他雲有乜優勢？就係背後有小米Ｂａｃｋｕｐ，你睇下，小米有手機、電器、電
動車，呢三個行業都有一定用戶，呢班用戶Ｒｕｎ左大量數據，又運返俾金山雲做優化，所以你
睇到雷軍個布局係環環相扣，並唔係無啦啦做一個新行業，而自己公司同公司之間又可以互相「
供養」，所謂戰術上「以戰養戰」大概就係呢個意思。
　
　　呢期金山雲熱炒，博客覺得估唔到頂、估唔到底，科技股係無限上望，特別公司係非公認會
計准則ＥＢＩＴＤＡ已經扭虧為盈，就算今日買入都可能係明日低位，大家可以考慮小注買入放
係倉底，咪執輸啊！
　
《編者按》本欄搜羅即市傳聞，惟消息未經證實，《經濟通》亦不保證內容之準確性。