宏福苑大火｜IKEA捐贈床架、床褥，小編：「香港係我哋嘅屋企，IKEA會同大家一齊撐過去」

　　IKEA今日（12月4日）於官方社交平台發文，表示捐出床架及床褥到啟德青年旅舍（過渡性房屋），而師傅亦已經落手砌緊！IKEA小編最後寫了「香港係我哋嘅屋企，IKEA會同大家一齊撐過去，一步一步慢慢嚟，事情總會好返㗎。」獲不少網民留言讚「好有溫度」、「好窩心」！

　　IKEA小編用廣東話在社交平台發文：「大埔嘅火災令人感到悲痛，IKEA向受影響嘅家庭致以最深切慰問，並向每一位參與救援嘅前線人員致敬，感謝你哋嘅付出。IKEA希望喺呢段艱難時期盡一分力，捐出床架同床褥畀啟德青年旅舍，師傅已經落手砌緊，希望為受影響嘅市民提供更舒適嘅休息空間。」

　　小編於貼文最後寫上：「香港係我哋嘅屋企，IKEA會同大家一齊撐過去，一步一步慢慢嚟，事情總會好返㗎。」網民留言大讚「用廣東話寫，好嘢」、「文字睇得出係有用心寫，唔係官方式文字，感謝IKEA & 小編嘅用心」、「最尾一句說話好有溫度」、「一齊撐過去 好感動」、「最尾個段好窩心」。當然，亦有很多人多謝師傅：「辛苦晒師傅們」、「感謝ikea及所有物流師傅及工作人員」。

　　IKEA及DFI零售集團旗下一眾品牌，包括萬寧及惠康超級市場等，至今捐出港幣2,000萬元現金及物資，如個人及衛生用品、食品、飲品，以及健康產品等日常必需品，協助有需要家庭渡過難關 。