【識睇 緊係睇留言】鍾樹根「戰車」求命名　網友創意無限

　　民建聯港島區立法會議員鍾樹根積極備戰9月立法會選舉，繼喺港島多處掛起大型橫額話「月是故鄉明」後，昨日他的「本土宣傳戰車」亦正式亮相。

　　宣傳車印上大型鍾樹根肖像、「月是故鄉明」和「要本土 不要分離」字樣，宣傳車及後一個月將會巡迴港島各區。鍾樹根更於facebook廣邀網友為其「戰車」命名，網友亦十分踴躍，盡情發揮創意！

　　網友Diego Chan改歌詞，創作出「幾分tree根幾分痴號」；網友Ivan Lo就玩食字，提議「根車鈦鐵(太貼)」；網友Enderhin Tsang以鍾樹根名句創作出「明張目膽車」；網友Tat Law認為宣傳車可以叫「痴(Tree)樹根號」，更為它創作了一個新車牌「SAMEONYOU」。網友Kas On更聯想到急口令，將車命名為「痴線TREEGUN痴住痴根車」。網友Bon Chan認為「宣傳車應該叫『根本on車（音:居）』。

　　鍾樹根將宣傳車停泊於立法會外的添美道進行啟動儀式，不料未向傳媒介紹，先被警察抄牌。網友Steven Lkm Wong則笑言「叫警車就肯定唔會被抄牌」。