【「至醒」HR】因照顧家人而有空白期？HR「踢爆」求職者反被鬧

　　近日有自稱HR的網民在討論區上發佈帖文，聲稱在面試期間拆穿求職者講大話，謊稱因病照顧家人而造成「空白期」，但有關言論隨即被其他網民鬧爆，被譏「以為自己好醒」。

　　求職者在面試時被HR問到空白期，應如何解答？這個問題相信難倒很多人，近日有自稱HR的網民在討論區上發佈帖文，聲稱在面試期間拆穿求職者講大話，謊稱因病照顧家人而造成「空白期」，但有關言論隨即被其他網民鬧爆，被譏「以為自己好醒」。

解釋空白期 要求職者遞交住院證明

　　事源有公司有意招聘客戶主任，HR從某CV配對服務中找到合適的求職者，於是約見面試。HR在求職者CV中發現有4個月空白期，並就有關情況作出詢問，並要求對方交出相關證據，豈料要求遭到拒絕。HR便一口咬定求職者「講大話」，並暗示求職者不要浪費其時間，並著回家等消息。以下為真實對話︰

　　我︰請解釋一下點解你依家有4個月空白期

　　佢︰我媽媽之前遇到交通意外要住醫院，咁我咪辭咗份工去照顧佢囉

　　（當我聽到呢個理由之後，真係差唔多笑出嚟依家都2019年啦，仲有人信你呢四個月係照顧你媽媽？你估我唔知你係講大話，實際上辭咗份工走去玩咩，等我即刻踢爆你先）

　　我︰咁你可唔可以比你媽媽嘅住院證明我睇呀

　　（一聽到我問佢拎佢媽媽嘅住院證明，佢比我嚇到臉都青埋）

　　佢︰你要我媽媽嘅住院證明做咩呀，同我見呢份工有咩關係呀

　　我︰我哋要證明你呢段時間真係去照顧媽媽，而唔係喺度講大話，隱瞞自己嘅空白期

　　佢︰呢個係我媽媽嘅私隱嚟，唔比得你睇㗎喎

　　我︰如果你唔肯提供嘅話，無關係㗎，呢度無人逼你，不過之前話屋企人入院嘅candidates，佢哋都肯自願提供相關證明㗎

　　佢︰......（啞左）

　　我︰我哋仲有好多人想見呢個post㗎。如果你提供唔到嘅話，無謂阻住其他人面試啦，快啲返去等消息啦

之後個求職者就「頭dupdup，眼濕濕」，然後垂頭喪氣咁走咗啦

HR反駁︰求職者心態好重要

　　對於有關內容，網民留言表示「咁你係咪覺得自己好醒？」，又反問發文的HR「既然match profile，4個月空白期有咩問題？」、「冇心請，就唔好玩X人啦」與此同時，HR亦在同一帖文留言反駁請人時求職者能力配合之餘，更著重心態，又指求職者有意掩飾自己空白期，所以表明不會聘用。

　　雖然在求職者面試期間被要求遞交醫生證明屬「自願性質」，但HR的請人心態備受質疑。而求職者真再遇上同一問題，可參考面試被問到空白期 5個得體解答。

　　新春拜年要顯心思，除了賀禮，不妨試試為親朋戚友度身訂造最「啱聽」的祝福！

Read more: 【非一般面試】超越常人思考水平！連Google也放棄的10條刁鑽面試題目