綠在屯門｜食得好出「惜」嘉年華

活動簡介

為響應10月份「世界糧食日」，特別為大家準備一連兩日嘅 食得好出惜嘉年華。香港素有「美食天堂」之稱，作為國際美食匯聚地，想 搵食一啲都唔難，但自問識食嘅你，又是否惜食呢？千祈唔好眼闊、肚窄，做大嘥鬼食得是福，食得晒仲幸福啊~

今次嘉年華活動十分豐富教大家從日常生活中著手，做到珍惜食物 、減少浪費 ，零廢堆填，培養惜食好習慣。當日除咗有尋牛記 及免費二手市集之外，仲有以「惜」飲「惜」食為主題嘅攤位遊戲及展覽，讓大家了解「惜」食文化既重要性當然唔少得 一向好受大家歡迎嘅 #環保工作坊 ，而兩日嘅環保工作坊都唔一樣~ 會教大家善用廚餘去製作實用小物，齊齊轉廢為寶 ！

快啲MARK 低以下日子，約埋親朋好友一齊嚟參加啦～

活動：「惜」飲「惜」食糧食展、環保工作坊、免費二手物市集、攤位遊戲及「尋牛記」特別活動

⚠注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4. 每節工作坊會於活動前20分鐘開放排隊輪候及報名。

5. 免費二手物市集只會派發，不會進行收集活動。