Citywalk荃新天地｜「生態『悠』蹤」全國生態日專題展覽

活動簡介

【「生態『悠』蹤」全國生態日專題展覽2025】

香港係一個活力澎湃嘅國際都會，亦擁有非常豐富嘅生物多樣性同獨特嘅鄉郊面貌！為響應「全國生態日」，鄉郊保育辦公室將於9月9日起舉辦「生態『悠』蹤」專題展覽，誠邀各位前來探索香港鮮為人知嘅自然生態與鄉郊文化之美。

展覽將透過六個精心設計嘅互動展區，帶你深入認識香港嘅生物多樣性，欣賞醉人嘅鄉郊景致，切實感受「綠水青山就是金山銀山」嘅深遠理念。

六大展區．沉浸式體驗香港郊野

「蝴蝶賞一賞」：化身研究員．模擬斑蝶標放

想知香港有幾多種蝴蝶？齊來化身生態研究員，親手模擬為斑蝶標記，透過顯微鏡觀察色彩繽紛嘅鱗片，了解本地物種遷徙嘅奧秘同保育工作，窺探香港豐富嘅生物多樣性。

「水鳥飛一飛」：VR沉浸式體驗．后海灣魚塘觀鳥

戴上VR眼鏡，瞬間轉移到后海灣魚塘，近距離觀察各種珍貴水鳥嘅生活，感受香港作為候鳥天堂嘅重要性。

「鄉郊走一走」：互動體驗．漫步鄉郊

透過實境影片同互動裝置，讓你「漫步」於谷埔及梅子林嘅鄉郊小徑，細味偏遠鄉郊嘅歷史建築同寧靜氛圍。

「文化學一學」：遊戲探索．客家文化

挑戰文化卡牌遊戲，發掘荔枝窩客家文化嘅獨特傳統同生活智慧，了解人與自然共融嘅鄉郊生活。

「谷埔坐一坐」：夢幻打卡．黃金蘆葦田

置身立體嘅黃金蘆葦田之中，欣賞谷埔獨有嘅鄉郊景色，影出充滿秋日氣息嘅靚相！

「美景影一影」：限定留念．主題自拍機

免費任玩「人生四格」自拍機，揀選心愛嘅鄉郊主題相框，為呢趟生態文化之旅記錄美好時刻。

週末限定特備節目

9月13日（星期六）14:00-15:45「自然樂聚」表演節目

將邀請到跳唱女歌手 陳葦璇 Kira、《中年好聲音3》七強 占士丁丁、甜美啦啦隊 Taurus 金牛女孩、無伴奏合唱團 Tunatics ，同埋尚武文化中心嘅學員，帶來精彩演出，並分享佢哋對鄉郊保育嘅感受。

9月14日（星期日）「綠藝工房」環保工作坊

設有「盆景沙畫多肉植物」及「再生圍裙」工作坊，其中「再生圍裙」特別利用過往兩次展覽回收嘅布料升級改造（Upcycle）而成，將環保心意融入創意，體驗綠色生活。

（工作坊需預先報名，詳情將於日內公佈，敬請密切留意。）