石硤尾賽馬會黑盒劇場｜Gen Z 女生搵錢獨腳戲《廿四裸辭》

活動簡介

《廿四裸辭》係一部 Gen Z 女生搵錢獨腳戲。

搵工，見工，返工，冇放工，Quit，再搵工，再見工，返唔到工⋯⋯

⾯試室出出入入咗好多個廿幾歲嘅⼈。

21 歲嘅，「First Hon」「Scholarship」 ⼤⼤隻寫喺⾃⼰ CV 度。

26 歲嘅，返咗工幾年，抑鬱足幾年，轉咗幾份⼯，又跳咗幾個⾏業。

27 歲嘅，啱啱讀完 PhD，⼼裏⾯仲諗住做⼀個科學家。

23 歲嘅，呢份⼯可以係離開屋企嘅第⼀步。

28 歲嘅，啊爸啊媽琴⽇同佢講，佢哋想退休啦。
22 歲嘅，相信緊呢份工會係佢嘅 dream job。

29 歲嘅，另一半話想結婚，但係依然同啊爸啊媽住。

25 歲嘅，啱啱環遊世界翻嚟，説服緊⾃⼰要安定落嚟。

然後⼜有個 24 歲嘅，差啲遲到，跑到嚟門口，心裡面只諗緊點樣講好一陣個自我介紹。

自我介紹要講得好，生活都要過得好好。

因為廿幾歲嘅⼈會知道，新陳代謝會變慢，阿爸阿媽會變老，朋友會移民，另一半會同你嗌交。

你掂嘅，你係叻女嚟嘅。