葵青剧院｜《风车草黑心喜剧Di-Dar (Comeback)》终极加场 黄秋生首度挑战载歌载舞演出　记歌词记到忟

活动简介

由风车草剧团主办，《风车草黑心喜剧Di-Dar (Comeback)》，于2025年8月15日起假葵青剧院演艺厅公演，早前20场门票瞬间秒杀，一票难求，不少观众都在网上敲碗，希望能再加场演出，而今日终于有好消息，《Di-Dar》将加开2025年8月31日（星期日）晚上八时终极尾场。有关详情如下：

《风车草黑心喜剧Di-Dar》(Comeback)

15-17, 19-24, 26-30.8.2025 [8pm]

16-17, 23-24, 30-31.8.2025 [3pm]

加开：31.8.2025 [8pm]
 
葵青剧院演艺厅
 
$680, $580, $480, $380
 
* 加场场次将于2025年8月5日（星期二）中午12时起于扑飞Popticket公开发售

网址：https://www.popticket.hk/event/di-dar-comeback

查询电话：23899220

近日《Di-Dar》剧中演员：梁祖尧、汤骏业（Ahdee）、邵美君（阿君）、黄秋生、梁业（肥仔@ERROR）及何洛瑶（Sica）等正密锣紧鼓加紧排练，但对于加场，众人都表示十分兴奋，亦十分感谢观众的爱戴与支持。《Di-Dar》早前赢得第33届舞台剧奖最佳制作、最佳男主角 (喜剧 / 闹剧)、最佳女主角 (喜剧 / 闹剧)、最佳男配角 (喜剧 / 闹剧)、最佳音响设计、最佳填词及年度优秀制作共八个奖项，今次载誉归来，身为监制的AhDee表示今次绝对是加码演出，他说：「上次反应非常好，特别剧中嘅组合RIP有一part嘅歌舞，系全场high到不得了，有观众更自带萤光棒变咗RIP嘅fans。今次再做，我哋将成part嘅歌曲换晒新歌，所以如果上次有睇过，今次会发现啲歌转晒，而且我哋仲搵咗一个专门排演唱会嘅编舞帮我哋重新排过啲舞，我哋rehearsal跳第一只歌已经索气，你可想而知今次啲舞系劲咗几多。加上今次有秋生同肥仔加入，秋生哥一早已经背晒台词，一嚟到已经好似做过套戏。肥仔又估唔到佢咁鬼醒目，佢跳舞本身劲大家都知，加上佢肥嘟嘟好cute，出到嚟做佢呢个角色系咁啱数。」

剧中与秋生对手戏较多的阿君，今次首度与秋生交手，十分难忘，她说：「秋生哥系我哋演艺嘅大师兄，佢系第一届，我系第十三届。最初同佢排戏系好紧张，因为冇同佢合作过，佢嘅气场都真系好劲，好有自己睇法，我呢啲师妹当然好惊啦，但系认真彩排，发现俾咩佢都接，所以发现喺台上面做戏时，就冇咗师兄师妹嘅分别，成个过程变得好enjoy好好玩，同埋可以反建议一啲提意俾师兄。」始终是喜剧，问到阿君可担心秋生届时会爆肚，她笑言：「我都有少少惊到时会唔同晒，但我系有训练，上次葛民辉都系成日有新嘅点子，我系非常活泼嘅演员，所以即管俾啲嘢挑战我啦！」

作为大师兄的秋生，竟然表示今次是一个大挑战，他说：「我未做过又跳舞又唱歌，就连电影、电视剧都未试过，今次应该系第一次，对我嚟讲系挑战，同埋咁嘅年纪同啲後生仔玩下啦，睇下佢哋谂咩，睇下佢哋点样排戏，走嚟学下嘢啦！真系㗎！点知记两三句歌词，都记咗三个礼拜，记到我忟憎。」那么跳舞可有难到他？他直言：「我不知几惊，次次嚟到又冇人教，就睇下隔离点样跳，但佢哋话OK吖，几好呀，我走嚟运桔㗎，後来睇返阿葛（葛民辉）嘅戏，又真系运桔咋喎，又几好。运桔唔系唔好嘢，系好嘢嚟㗎，听起上嚟唔识嘅，以为系负面，其实唔系㗎。」

同样新加入的肥仔，入行後第一次演舞台剧，他都自爆十分紧张，但他自有方法减压，他道：「今次做舞台剧点都有少少紧张嘅，因为有秋生哥喺度，佢都系大师兄，演技超班，开头见到佢心情好紧张，但我又有一种敬重嘅感觉，所以影poster已经撩佢倾偈。好开心秋生会赞我：『呀！你呢个肥仔都跳得几好喎。』第一下赞咗我，好似舒服咗，可以friend喎，跟住就开始同佢倾偈。我哋化紧妆嗰阵一齐听歌，发现佢嘅品味几好喎，系几欣赏佢，合作起上嚟亦愈嚟愈舒服。而家同风车草keep住排戏嘅感觉系愈嚟愈好玩，成个剧太精彩，好多位好好笑，但认真嘅情感位置，我自己都乸住乸住，所以《Di-Dar》呢套舞台剧系一定要睇嘅。」至于上次有份参与演出的Sica，在台上表演侧手翻赢尽掌声，但今次她决定要将难度提高，她说：「上次《Di-Dar》有侧手翻，今次重演呢啲招数实在系小绝，大绝嚟讲会系一啲同信任有关嘅杂耍，平时大家喺陆运会会见到嗰啲，同跳跃有关嘅，我觉得大家睇到会『哗！』一声，入场嚟哗十声啦！」

《Di-Dar》一直打破舞台剧常规，除了将殡仪行业搬上舞台，今次重演更推出首本由舞台剧改编的《Di-Dar》漫画及figure，而负责设计figure的阿祖介绍道：「我人生第一次设计figure公仔，系AhDee叫我画一个公仔，做一个Di-Dar BB，然後就觉得不如画我自己个角色啦！公仔嘅特征同我一样，都系鼻哥窿大，同埋充满愤怒嘅眼神，另外仲揸住桃木剑同戏中收鬼用嘅五雷符，极度像真。」

《Di-Dar》周边商品，现正进行预购，如欲选购，请浏览：https://www.wmgtheatre.com/category/all-products