石硖尾赛马会黑盒剧场｜Gen Z 女生搵钱独脚戏《廿四裸辞》

活动简介

《廿四裸辞》系一部 Gen Z 女生搵钱独脚戏。

搵工，见工，返工，冇放工，Quit，再搵工，再见工，返唔到工⋯⋯

⾯试室出出入入咗好多个廿几岁嘅⼈。

21 岁嘅，「First Hon」「Scholarship」 ⼤⼤只写喺⾃⼰ CV 度。

26 岁嘅，返咗工几年，抑郁足几年，转咗几份⼯，又跳咗几个⾏业。

27 岁嘅，啱啱读完 PhD，⼼里⾯仲谂住做⼀个科学家。

23 岁嘅，呢份⼯可以系离开屋企嘅第⼀步。

28 岁嘅，啊爸啊妈琴⽇同佢讲，佢哋想退休啦。
22 岁嘅，相信紧呢份工会系佢嘅 dream job。

29 岁嘅，另一半话想结婚，但系依然同啊爸啊妈住。

25 岁嘅，啱啱环游世界翻嚟，说服紧⾃⼰要安定落嚟。

然後⼜有个 24 岁嘅，差啲迟到，跑到嚟门口，心里面只谂紧点样讲好一阵个自我介绍。

自我介绍要讲得好，生活都要过得好好。

因为廿几岁嘅⼈会知道，新陈代谢会变慢，阿爸阿妈会变老，朋友会移民，另一半会同你嗌交。

你掂嘅，你系叻女嚟嘅。