《魚缸博客》今日北水狂追隻貝殼（０２４２３），呢個堪稱「內地版２８ＨＳＥ」，近日發左通告，根據上海證券交易所及深圳證券交易所分別刊發的公告，該集團Ａ類普通股已獲納入滬港通及深港通，所以今日北水就落力開始入貨啦。　　　另外一個主要原因，係因為貝殼找房早一排收購聖都家裝，呢件事睇得出行業龍頭開始搶佔市場份額，買左樓然後一條龍提供埋裝修師傅俾你，真係夠晒好招呼，唔知香港幾時又可以做到呢？　　　海通證券發表研究報告指出，目前貝殼主要立足的存量房交易、裝修賽道伴隨中國經濟轉型發展，其市場空間正逐步開啟。依照貝殼當前體量，穩定鞏固市佔率優勢將帶來企業長遠發展。給予公司２０２５年３０－３５倍ＰＥ估值，對應合理價值區間為　５６﹒６９－６６﹒１４　元，換算為每股６１﹒６２－７１﹒８９港元。第一次覆蓋，給予「優大於市」評等。　　　　其實內房已經整固左一排，雖然話依然有大量空置房存在，但人點都要繼續生活，然後結婚買樓生小朋友，所以博客認為，貝殼呢隻方式更適合年輕一輩去自己搵自己心目中的ＤＲＥＡＭ　ＨＯＵＳＥ，所以今日低位可能真係明日高位！　《編者按》本欄搜羅即市傳聞，惟消息未經證實，《經濟通》亦不保證內容之準確性。

送禮活動浪接浪！想緊貼著數活動消息？即Like etnet Facebook專頁！► 立即讚好