《魚缸博客》國策市果然係國策市，十四屆全國人大三次會議早前係人民大會堂開幕，總理李強提到，今年要大力提振消費，會安排３０００億元超長期特別國債支持以舊換新。　　　睇返半日恒指成分股入面，李寧（０２３３１）爆升７％，安踏（０２０２０）５﹒９％，申州（０２３１３）５﹒６％，周大福（０１９２９）５﹒３％，今日恒指由跌轉升。博客咁睇啦，過往兩會都係習慣有資金落場，國家面子工程的東西大家都懂，你睇Ａ股今日都無咩點活動，資金都落曬香港自由行，就知道港股係國家的心目中仍有份量。　　　昨日博客都講過係咪「牛市」呢個問題，因為有種波動係叫「假升真跌」，即係咩？大莊係跌之前會裂口抽高造成一個「好熱烈」的情況，其實就係一個預備離場的動作。　　　睇返恒指期指成交，昨日（６日）係２４１５０點呢個關口新開２萬幾張期指，係２４４００點都有１８０００幾張。　　　另外，今日資金都係沽阿里為主，大家要留意！　《編者按》本欄搜羅即市傳聞，惟消息未經證實，《經濟通》亦不保證內容之準確性。

【說說心理話】陳敏兒經歷丈夫突然病逝，成立「幸福生活協會」，幫助照顧者。舉辦按摩工作坊，讓癌末病人都有幸福的感覺► 即睇